آزاد کشمیر کے شہری کا تمام جائیداد نام کرنے کا اعلان،مریم نواز کا ردعمل

آزاد کشمیر کے شہری کی جانب سے تمام جائیداد مریم نواز کے نام کردینے کی وصیت نے مسلم لیگ ن کی چیف آرگنائزر کے دل کو چھو لیا۔

زاہد حسین نامی شہری کی جانب سے اپنی تمام جائیداد مریم کے نام کردینے کا وصیت نامہ سوشل میڈیا پر وائرل ہے۔

شہری کی جانب سے مزید کہا گیا ہے کہ مریم اس کی زندگی میں بچوں اور ورثاء کے تقریباً 50 کنال کو چھوڑ کر اس کی زندگی میں 50 فیصد اور انتقال کے بعد 100 فیصد کی مالک ہیں۔ اس کے علاوہ شہری کا معاوضہ جو تقریباً 8 کروڑ روہے ہے وہ بھی مریم ہی وصول کریں گی۔

شہری نے یہ واضح نہیں کیا کہ یہ معاوضہ کس چیز کے عوض ہے، اس کے علاوہ مریم کو تمام درختوں اور سات گاؤں پر مشتمل رقبے کا مالک بھی بنایا گیا ہے،

مریم نواز کی جانب سے دیے جانے والے ردعمل میں اظہار محبت وتشکر کے ایموجیز بھی استعمال کیے گئے۔