petroleum prices
آئل اینڈ گیس ریگولیٹری اتھارٹی (اوگرا) نے حکومت کو پیٹرولیم مصنوعات کی قیمتوں میں اضافے کی سفارش کردی۔
اثرات کی سمری وفاقی حکومت کو ارسال کر دی گئی ہے۔
ذرائع نے بتایا کہ اتھارٹی نے پیٹرولیم مصنوعات کی قیمتوں کے حوالے سے حکومت کو دو تجاویز بھیجی تھیں۔ پہلی تجویز کے مطابق آئی ایم ایف کی شرائط کے بعد پیٹرولیم مصنوعات کی قیمتوں پر جی ایس ٹی لگانے کی تجویز دی گئی ہے۔
اوگرا نے پیٹرول اور ڈیزل پر 2 سے 5 فیصد فی لیٹر لیوی کی تجویز دی ہے۔ ڈیزل پر 5 سے 10 روپے فی لیٹر ٹیکس لگانے کی تجویز بھی وفاقی حکومت کو بھیج دی گئی ہے۔
2 فیصد جی ایس ٹی لگانے سے پیٹرول کی قیمت 5 روپے 44 پیسے تک بڑھ سکتی ہے اور اگر 5 فیصد جی ایس ٹی لگایا گیا تو پیٹرول کی قیمت 13 روپے 6 پیسے تک بڑھ سکتی ہے۔ 15 روپے فی لیٹر اضافے کی تجویز وفاقی حکومت کو بھیج دی گئی ہے۔
ذرائع کا کہنا ہے کہ اوگرا نے اگلے پندرہ دن تک پیٹرولیم مصنوعات کی قیمتیں برقرار رکھنے کا مشورہ دیا ہے کیونکہ عالمی منڈیوں میں خام تیل کی قیمتوں میں کمی دیکھی گئی ہے۔ دوسری سمری میں یہ تجویز کیا گیا کہ عالمی منڈیوں کے مطابق ٹیکس لگا کر بھی قیمتوں کو برقرار رکھا جا سکتا ہے۔
پیٹرولیم مصنوعات کی قیمتوں سے متعلق حتمی فیصلہ وزیر خزانہ وزیراعظم سے مشاورت کے بعد کریں گے۔